Almar
Eigandi
Um okkur
Bakað með höndum og hjarta
Almar Bakari er meira en bara bakarí. Við erum fjölskyldufyrirtæki með rætur í samfélaginu, drifið áfram af ástríðu fyrir handverki, hreinum hráefnum og gleðinni sem fylgir því að bjóða upp á nýbakað gæðabakkelsi.
Sagan okkar
Frá draumi í Hveragerði að þínu bakaríi á Suðurlandi
Það var vorið 2009 sem við, Almar Þór og Ólöf, opnuðum okkar fyrsta bakarí í Hveragerði. Framtíðarsýnin var einföld en skýr: Að bjóða upp á gæðabakstur sem byggði á traustu handverki, góðum hráefnum og einlægri þjónustu.
Með stuðningi frá samfélaginu tókst okkur að festa okkur í sessi sem heilsusamlegur og traustur valkostur á Suðurlandi. Að lokum sameinuðum við krafta okkar við Hverabakarí og héldum áfram að vaxa undir merkjum Almars bakara.
Í dag tökum við á móti heimafólki og ferðalöngum með bros á vör og ilminum af nýbökuðu í Hveragerði, á Selfossi og á Hellu. Sagan heldur áfram að vaxa með hverju brauði, hverri tertu og hverjum viðskiptavini sem gengur út með eitthvað gott í poka og hlýju í hjarta.
Sagan okkar
Gæði, handverk og heiðarleik
Fyrir okkur snýst bakstur um virðingu – virðingu fyrir hráefninu, aðferðunum og síðast en ekki síst, fyrir þér. Þess vegna gerum við hlutina á okkar hátt.
Langhefuð brauð – bragð og vellíðan
Öll okkar brauð eru kælihefuð í 18–20 klukkustundir. Þetta hæga ferli brýtur niður flókin kolvetni og glúten, sem skilar sér í dýpra og ríkara bragði, betri áferð og léttari meltingu.
Hráefnið fær að njóta sín
Við trúum á einföld og hrein gæði. Þess vegna sleppum við öllum viðbættum sykri í brauðin okkar og notum minna magn af geri og salti. Við viljum að bragðið af hinu náttúrulega hráefni fái að skína í gegn.
Fólkið á bak við bakkelsið
Án okkar frábæra starfsfólks væri Almar Bakari aðeins bygging. Það er fólkið okkar – bakarar, afgreiðslufólk og allir þar á milli – sem skapar hlýjuna og gæðin sem við erum þekkt fyrir. Hér fáið þið að kynnast nokkrum úr teyminu.
Hjartað í starfseminni
Handverkið er í höndunum, en hlýjan kemur frá fólkinu.
Lóa
Eigandi
Helena
Mannauðsstjóri
Helga Björg
Verslunarstjóri í Hveragerði
Eygló
Verslunarstjóri á Selfossi
Airidas
Bakari
Bragi
Bakari
Karen
Bakari
Örvar
Konditor
- Skoða laus störf
Gakktu til liðs við okkur
Hefur þú ástríðu fyrir gæðum, handverki og góðri þjónustu?
Samfélagsleg ábyrgð og framtíðarsýn
Hluti af samfélaginu – með augun á framtíðinni
Við erum stolt af því að vera staðbundið fyrirtæki á Suðurlandi. Bakaríin okkar eru ekki bara verslanir, heldur samkomustaðir þar sem fólk hittist yfir kaffibolla og nýbökuðu. Við leggjum áherslu á að styðja við nærsamfélagið og vera ábyrgur og traustur þátttakandi í lífi bæjarbúa.
Framtíðarsýn okkar er að halda áfram að þróast með þörfum viðskiptavina okkar. Hvort sem þú ert heimamaður í leit að daglegu brauði eða ferðalangur í leit að staðbundinni upplifun, þá hlökkum við alltaf til að sjá þig.
Hlökkum til að sjá þig
Nú þegar þú þekkir söguna okkar vonum við að þig langi til að upplifa hlýjuna og bragðið í eigin persónu. Hvort sem það er fyrir daglega brauðið, veisluna eða bara til að gera daginn betri, þá erum við tilbúin að taka á móti þér.